പേരാമ്പ്ര: സിപിഐഎം സംസ്ഥാന സെക്രട്ടറി എം.വി ഗോവിന്ദന് നയിക്കുന്ന എല്ഡിഎഫ് വടക്കന് മേഖലാവികസന മുന്നേറ്റ ജാഥക്ക് പേരാമ്പ്രയില് വന് സ്വീകരണം നല്കാന് എല്ഡിഎഫ് പേരാമ്പ്ര നിയോജകമണ്ഡലം കമ്മിറ്റി യോഗം തീരുമാനിച്ചു.
ഫെബ്രുവരി 01 മുതല് 15 വരെ നടക്കുന്ന വടക്കന് മേഖല ജാഥ 7 ന് കാലത്ത് 10 മണിക്കാണ് ജാഥ പേരാമ്പ്രയില് എത്തിച്ചേരുന്നത്. പേരാമ്പ്ര മാര്ക്കറ്റ് പരിസരത്ത് പ്രത്യേകം തയ്യാറാക്കിയ മൈതാനത്താണ് സ്വീകരണം ഒരുക്കുന്നത്.
കേന്ദ്ര സര്ക്കാര് കേരളത്തോട് കാണിക്കുന്ന അവഗണനയ്ക്കെതിരെയും കേരളത്തില് സര്ക്കാര് നടപ്പാക്കിയ വികസന പ്രവര്ത്തനങ്ങള് ജനങ്ങളെ ബോധ്യപ്പെടുത്തുന്നതിനും വേണ്ടിയാണ് എല്ഡിഎഫ് സംസ്ഥാനത്ത് മൂന്ന് മേഖല ജാഥകള് നടത്തുന്നത്. വടക്കന് മേഖല ജാഥ സിപിഐഎം സംസ്ഥാന സെക്രട്ടറി എം.വി ഗോവിന്ദന്റെ നേതൃത്വത്തിലാണ് നടത്തുന്നത്.
കേന്ദ്ര ബജറ്റില് പോലും കേരളത്തെ പാടെ അവഗണിച്ച നിലപാട് കേരള ജനതയോടുള്ള വെല്ലുവിളിയാണെന്നും ഇത് പ്രതിഷേധാര്ഹമാണെന്നും എല്ഡിഎഫ് പേരാമ്പ്ര നിയോജകമണ്ഡലം കമ്മിറ്റി യോഗം അഭിപ്രായപ്പെട്ടു.
നിയോജക മണ്ഡലം എല്ഡിഎഫ് കണ്വീനര് പി.കെ.എം ബാലകൃഷ്ണന് സ്വാഗതം പറഞ്ഞ യോഗത്തില് സിപിഐ (എം) ഏരിയ സെക്രട്ടറി എം. കുഞ്ഞമ്മത് അധ്യക്ഷത വഹിച്ചു. മുന് എംഎല്എ കെ. കുഞ്ഞമ്മത്, എസ്.കെ സജീഷ്, എ.കെ ബാലന്, സി. ബിജു, പി. മോനിഷ, ടി.കെ. ബാലഗോപാലന്, വി.കെ ഷാജി, കെ പ്രദീപ് കുമാര് തുടങ്ങിയവര് സംസാരിച്ചു.
LDF Northern Region Jatha to be given a grand welcome in Perambra
