പെരുവണ്ണാമൂഴി : എം ടെക് ഇലക്ട്രോ ഡിജിറ്റല് ഇന്ഡസ്ട്രിയുടെ പുതിയ ടെക്നോളജിയുമായി ഡോ.എം.എ. ജോണ്സണ് രംഗത്ത്. പാചകവാതക പ്രതിസന്ധിക്ക് പരിഹാരമായി പുതിയ ഇനം സോളാര് അടുപ്പ് വികസിപ്പിച്ചിരിക്കുകയാണ് പെരുവണ്ണാമൂഴി സ്വദേശിയായ മടത്തിനകത്ത് ഡോ. എം.എ. ജോണ്സണ്. ലോകത്ത് ആദ്യമായി എല്.ഇ.ഡി ബള്ബുകള് വെളിച്ചത്തിനായി ഉപയോഗിക്കാവുന്ന രീതിയില് രൂപകല്പന ചെയ്ത മഹാനാണ് ജോണ്സണ്.
ലോകത്തെ മുഴുവന് മാറ്റിമറിക്കാന് പോകുന്ന ഒരു പുതിയ ഉപകരണമാണ് തന്റെ ഗവേഷണം പരീക്ഷണ നിരീക്ഷണത്തിലൂടെ കണ്ടെത്തിയ സോളാര് അടുപ്പെന്ന് ജോണ്സണ് പറഞ്ഞു. സോളാര് പാനലും ബാറ്ററിയും ഉപയോഗിച്ച് പ്രവര്ത്തിക്കുന്ന അടുപ്പാണ് ജോണ്സണ് വികസിപ്പിച്ചെടുത്തത്.
ഇന്ന് പാചകം ചെയ്യാന് ഉപയോഗിക്കുന്നത് വിറക്, ഗ്യാസ്, മണ്ണെണ്ണ ഇലക്ട്രിക് എന്നിവയാണ്. അതില് മുഖ്യ ഘടകം ഗ്യാസ് ആയി മാറിയിരിക്കുകയാണ്. അതിനാല് പൂര്ണമായും പാചക ആവശ്യങ്ങള്ക്ക് ഉപയോഗിക്കാന് പറ്റുന്ന രൂപത്തിലുള്ള സോളാര് അടുപ്പാണ് ജോണ്സണ് നിര്മ്മിച്ചിരിക്കുന്നത്. 1500 വാട്ട്സിന്റെ സോളാര് പാനലും 400 എഎച്ച് ബാറ്ററിയും ഉപയോഗിച്ച് 12 വോള്ട്ടിന്റെ ഡിസി അടുപ്പാണ് പ്രവര്ത്തിപ്പിക്കുന്നത്. ഒറ്റത്തവണ 75000 രൂപ മുടക്കി പാനലും ബാറ്ററിയും അടുപ്പും ലഭ്യമാ ക്കിയാല് പിന്നെ സൗരോര്ജം ഉപയോഗിച്ച് യഥേഷ്ടം അടുപ്പ് പ്രവര്ത്തിപ്പിക്കാമെന്ന് ജോണ്സണ് പറഞ്ഞു.
സൂര്യപ്രകാശത്തില് നിന്നുള്ള ഊര്ജ്ജം ഉപയോഗിച്ചാണ് ഈ അടുപ്പ് പ്രവര്ത്തിക്കുന്നത്. ഈ അടുപ്പ് ഉപയോഗിക്കുമ്പോള് ഉണ്ടാകുന്ന പ്രത്യേകത നമ്മുടെ പരിധിയിലുള്ള സൂര്യപ്രകാശം ഉപയോഗിച്ച് തന്നെയാണ് ഇതിനുള്ള ഊര്ജ്ജം ലഭിക്കുന്നത്. രാത്രി സമയങ്ങളില് ഏകദേശം രണ്ടര മണിക്കൂറോളം നേരം പ്രവര്ത്തിക്കാനുള്ള സ്റ്റോറേജ് ബാറ്ററിയില് ഉണ്ടാവും. പകല് സമയമാണെങ്കില് ബാറ്ററിയില് നിന്ന് ചാര്ജ് എടുക്കുന്ന മുറയ്ക്ക് സൂര്യപ്രകാശത്തില് ബാറ്ററി റീ ചാര്ജാവും. കൂടുതല് സമയം അടുപ്പ് ഉപയോഗിക്കണമെങ്കില് കൂ ടുതല് ശേഷിയുള്ള സോളാ ര് പാനലും ബാറ്ററിയും ഉപ യോഗിച്ചാല് മതി. മണ് ചട്ടി, അലുമിനിയം തുടങ്ങി ഏതു തരം പാത്രങ്ങളുപയോഗിച്ചും പാചകം ചെയ്യാന് കഴിയുന്ന അടുപ്പാണ് താന് വികസിപ്പിച്ചെടുത്തിരിക്കുന്നതെന്നും ജോണ്സണ് പറഞ്ഞു. ഇനിയും ലോകത്തിന് ആവശ്യമായ ടെക്നോളജികള് താന് പുറത്ത് കൊണ്ടുവരുമെന്ന് അദ്ദേഹം പറഞ്ഞു.
Solution to the cooking gas crisis; Dr. M.A. Johnson with a solar stove
.jpg)
