നടുവണ്ണൂര്: നടുവണ്ണൂരില് കാറിടിച്ച് യുവതിയും സ്കൂട്ടറും കലുങ്കിന്റെ ഓവുചാലിലേക്ക് വീണു. നൊച്ചാട് ശാസ്താം കോട്ടുമ്മല് അയിഷ ഹനീന (25) യെയാണ് കാറിടിച്ച് ഓവുചാലിലേക്ക് വീണത്. തെരുവത്തു കടവിലെ കടവ് മാര്ട്ടിന് മുന്വശത്ത് കഴിഞ്ഞ ദിവസം വൈകീട്ട് 5 മണിക്കാണ് സംഭവം.
റോഡരികില് സ്കൂട്ടര് നിര്ത്തി ഫോണില് സംസാരിക്കുമ്പോള് ഉള്ളിയേരി ഭാഗത്തുനിന്നു വന്ന ഇന്നോവ കാര് പിന്നില് നിന്ന് ഇടിക്കുകയായിരുന്നു. രണ്ടരമീറ്റര് താഴ്ചയിലേക്കാണ് യുവതിയും സ്കൂട്ടറും വീണത്. പരിക്കേറ്റ യുവതിയെ സ്വകാര്യ ആശുപത്രിയില് പ്രവേശിപ്പിച്ചു.
Content Highlight: In Nadavannoor, a young woman and a scooter fell into a ravine after a car hit them
.jpg)
