പേരാമ്പ്ര : കായണ്ണയില് എഡ്യൂക്കേഷനല് ആന്ഡ് ചാരിറ്റബിള് ട്രസ്റ്റ് പുതുതായി നിര്മിച്ച വിഷന് സെന്ററിന്റെ ഉദ്ഘാടനം സംഘടിപ്പിച്ചു. ജമാഅത്തെ ഇസ്ലാമി കേരള അമീര് പി.മുജീബുറഹ്മാന് വിഷന് സെന്ററിന്റെ ഉദ്ഘാടനം നിര്വഹിച്ചു.
മാനവനെ അറിയാത്ത ആത്മീയത ഇസ്ലാമിന് അന്യമാണെന്നും സഹജരെ ചേര്ത്ത് നിര്ത്തുമ്പോഴാണ് ആത്മീയത സമ്പൂര്ണമാകുന്നതെന്നും അദ്ദേഹം പറഞ്ഞു. ഏരിയ പ്രസിഡണ്ട് കെ. മുബീര് അധ്യക്ഷത വഹിച്ചു.
ജില്ലാ പ്രസിഡണ്ട് ഫൈസല് പൈങ്ങോട്ടായി മുഖ്യപ്രഭാഷണം നടത്തി. ദാറുന്നുജും യത്തീംഖാന പുനരധിവാസ പദ്ധതിയുടെ ഭാഗമായി നിര്മ്മിച്ച വീടിന്റെ താക്കോല്ദാനവും രണ്ട് വീടുകളുടെ ശിലാസ്ഥാപനവും അമീര് നിര്വഹിച്ചു.
എം.എം മുഹ്യുദ്ധീന്, പ്രൊഫ സി ഉമര്, പി കുഞ്ഞബ്ദുള്ള, ചെക്യോട്ട് അബ്ദുറഹിമാന്, തെരുവത്ത് മുഹമ്മദ്, വി.പി ഷാജി, കെ. വിജയന് നായര് നമ്പിത്തൂര്, കെ.കെ ഇബ്രാഹിം, പി.സി കുഞ്ഞിമൂസ, ടി .കെ മാധവന്, പി.ടി ഇബ്രാഹിം, കെ.കെ കലന്ദന്, പി.കെ ആയിഷ തുടങ്ങിയവര് സംസാരിച്ചു. വാളൂര് എജുക്കേഷണല് ആന്ഡ് ചാരിറ്റബിള് ട്രസ്റ്റ് സെക്രട്ടറി കെ.പി അബ്ദുല് ഖാദര് സ്വാഗതം പറഞ്ഞ ചടങ്ങിന് ഹല്ഖ നാസിം ഇബ്രാഹിം കുതിരോട്ട് നന്ദിയും പറഞ്ഞു.
രാവിലെ നടന്ന കനിവ് സബ് സെന്റര് പ്രഖ്യാപനവും മെഡിക്കല് ക്യാമ്പും സീ റൈസ് കോഴിക്കോട് ജില്ലാ പ്രസിഡണ്ട് അബ്ദുല് മജീദ് ആര്.കെ ഉദ്ഘാടനം ചെയ്തു. വാളൂര് എജുക്കേഷണല് ആന്ഡ് ചാരിറ്റബിള് ട്രസ്റ്റ് ചെയര്മാന് എ.സി പക്രന് അധ്യക്ഷത വഹിച്ചു.
സഈദ് എലങ്കമല് മുഖ്യപ്രഭാഷണം നടത്തി. ഇബ്രാഹിം പി.സി മുസ്തഫ, എന്.വി.എ റഹ്മാന്, വിജയന്പൊയില്, എം.പി ഗോപി , കുഞ്ഞബ്ദുള്ള പുലൂക്കില് എന്നിവര് സംസാരിച്ചു.
Inauguration of Valoor Vision Center
.jpg)
