ചക്കിട്ടപാറ: വര്ണ്ണങ്ങളുടെ ലോകത്തെ വേറിട്ട കാഴ്ചകളുമായി സംസ്ഥാന ചലച്ചിത്ര അവാര്ഡ് നിര്ണ്ണയത്തിന്റെ അന്തിമഘട്ടം വരെ പോരാടിയ 'ഇരുനിറം' എന്ന ചിത്രത്തിലെ ആദ്യ ഗാനം പുറത്തിറങ്ങി. ചക്കിട്ടപാറ സ്വദേശിയായ യുവ സംവിധായകന് ജിന്റോ തോമസ് ഒരുക്കിയ ഈ ചിത്രം, അവാര്ഡ് നിര്ണ്ണയത്തില് അവസാന രണ്ട് ചിത്രങ്ങളില് ഒന്നായി തിരഞ്ഞെടുക്കപ്പെട്ട് വലിയ ശ്രദ്ധ നേടിയിരുന്നു.
ജീവിത സാഹചര്യങ്ങള് കൊണ്ട് 'ലോകത്തിലെ ഏറ്റവും നല്ല നിറം' തേടിയിറങ്ങുന്ന അമ്പിളി എന്ന പെണ്കുട്ടിയുടെ കഥയാണ് ചിത്രം പറയുന്നത്. നിറങ്ങളെക്കുറിച്ചുള്ള നമ്മുടെ കാഴ്ചപ്പാടുകളെയും സൗന്ദര്യ സങ്കല്പ്പങ്ങളെയും ചോദ്യം ചെയ്യുന്ന പ്രമേയമാണ് ചിത്രത്തിന്റേത്. 'നിറങ്ങള് ഏതായാലും നമ്മുടെ കണ്ണുകളില് പതിയുമ്പോഴല്ലേ അതിന് സൗന്ദര്യം...' എന്ന മനോഹരമായ സന്ദേശമാണ് ചിത്രം മുന്നോട്ട് വെക്കുന്നത്.
ചിത്രത്തിലെ ഏറെ പ്രതീക്ഷയുള്ള 'അകക്കണ്ണിലെ...' എന്ന് തുടങ്ങുന്ന ഗാനമാണ് ഇപ്പോള് പ്രേക്ഷകരിലേക്ക് എത്തിയിരിക്കുന്നത്. വരികളിലും സംഗീതത്തിലും ഏറെ ലാളിത്യം പുലര്ത്തുന്ന ഈ ഗാനം ഇതിനോടകം തന്നെ സോഷ്യല് മീഡിയയില് ശ്രദ്ധിക്കപ്പെട്ടു കഴിഞ്ഞു. അമ്പിളിയുടെ ലോകത്തെയും അവളുടെ യാത്രയെയും മനോഹരമായി ഈ ഗാനം അടയാളപ്പെടുത്തുന്നു.
സംസ്ഥാന ചലച്ചിത്ര അവാര്ഡ് പ്രഖ്യാപന വേളയില് പ്രമുഖ ചലച്ചിത്ര പ്രവര്ത്തകരുടെ പ്രശംസ പിടിച്ചുപറ്റിയ ജിന്റോ തോമസിന്റെ ഈ ചിത്രം ഉടന് തന്നെ പ്രേക്ഷകരിലേക്ക് എത്തും
The first song from Chakkitapara native Jinto Thomas' film 'Iruniram' is out
.jpg)
