#Rahul Gandhi #Priyanka Gandhi #Delhi Protest #Youth March
പേരാമ്പ്ര: ഡല്ഹിയിലെ ജന്തര് മന്തറില് നടന്ന യുവജന മുന്നേറ്റത്തില് ഐക്യദാര്ഢ്യം പ്രഖ്യാപിച്ച് പങ്കെടുത്ത കേന്ദ്ര പ്രതിപക്ഷ നേതാവ് രാഹുല് ഗാന്ധി, കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധി, കേരളത്തില് നിന്നുള്ള എംപിമാര്, മറ്റ് കോണ്ഗ്രസ് നേതാക്കള് എന്നിവര്ക്കുനേരെ കേന്ദ്ര പൊലീസ് നടത്തിയ ആക്രമണത്തില് നാടെങ്ങും പ്രതിഷേധം. പേരാമ്പ്രയുടെ വിവിധ ഭാഗങ്ങളില് ഇന്നലെ രാത്രിതന്നെ കോണ്ഗ്രസ്, യുഡിഎഫ് പ്രവര്ത്തകര് പ്രതിഷേധങ്ങള് സംഘടിപ്പിച്ചു.
നീറ്റ് പരീക്ഷയിലെ ക്രമക്കേടുകള്, കേന്ദ്ര വിദ്യാഭ്യാസ മേഖലയിലെ അഴിമതികള് എന്നിവയ്ക്കെതിരെ രാജ്യവ്യാപകമായി ഉയര്ന്നുവന്ന വിദ്യാര്ത്ഥി പ്രതിഷേധത്തിന് പിന്തുണയുമായാണ് പ്രതിപക്ഷ നേതാക്കള് ഡല്ഹിയില് സമരം നടത്തിയത്. പ്രതിഷേധിക്കുകയായിരുന്ന നേതാക്കളെ പൊലീസ് ബലം പ്രയോഗിച്ച് തടയുകയും ആക്രമിക്കുകയും ചെയ്ത നടപടി ജനാധിപത്യവിരുദ്ധമാണെന്ന് പ്രതിഷേധക്കാര് കുറ്റപ്പെടുത്തി.
പേരാമ്പ്ര പുറ്റംപൊയില് കോണ്ഗ്രസ് കമ്മിറ്റിയുടെ നേതൃത്വത്തില് പ്രതിഷേധ പ്രകടനം നടന്നു.
കേന്ദ്രസര്ക്കാരിന്റെ ഫാസിസ്റ്റ് നയങ്ങള്ക്കും പ്രതിപക്ഷ ശബ്ദത്തെ അടിച്ചമര്ത്താനുള്ള ശ്രമങ്ങള്ക്കുമെതിരെ മുദ്രാവാക്യങ്ങള് മുഴക്കിയായിരുന്നു മാര്ച്ച്. വിദ്യാര്ത്ഥികളുടെ ഭാവിയുമായി കളിക്കുന്നവരെ സംരക്ഷിക്കുകയും അവര്ക്കുവേണ്ടി ശബ്ദമുയര്ത്തുന്നവരെ ജയിലിലടയ്ക്കുകയും ചെയ്യുന്ന നിലപാട് കേന്ദ്രസര്ക്കാര് അവസാനിപ്പിക്കണമെന്ന് പ്രതിഷേധക്കാര് ആവശ്യപ്പെട്ടു.
പ്രകടനത്തിന് കോണ്ഗ്രസ് നേതാക്കളായ റഷീദ് പുറ്റംപൊയില്, വി.കെ. രമേശന്, പൊയില് സുരേന്ദ്രന്, പി.പി. ബഷീര്, കോടേരി കുഞ്ഞനന്തന് നായര്, ചാലില് ഉമ്മര്, കെ.കെ. സത്യന് തുടങ്ങിയവര് നേതൃത്വം നല്കി.
പേരാമ്പ്ര പഞ്ചായത്ത് യൂത്ത് ലീഗ് കമ്മിറ്റി പേരാമ്പ്ര ടൗണില് പ്രതിഷേധ പ്രകടനവും റോഡ് ഉപരോധവും സംഘടിപ്പിച്ചു.
വിദ്യാര്ത്ഥികളുടെ ഭാവി കളയുന്ന നീറ്റ് ക്രമക്കേടുകളില് ഉള്പ്പെട്ടവരെ സംരക്ഷിക്കുന്ന കേന്ദ്രസര്ക്കാര് സമരം ചെയ്യുന്നവരെ ജയിലിലടയ്ക്കുന്ന സമീപനമാണ് സ്വീകരിക്കുന്നതെന്ന് നേതാക്കള് കുറ്റപ്പെടുത്തി.
പരിപാടിയില് മണ്ഡലം യൂത്ത് ലീഗ് ജനറല് സെക്രട്ടറി ജറീഷ്, കെ.പി. റസാഖ്, ട്രഷറര് ഹാഫിസ് സി.കെ, കെ.സി. മുഹമ്മദ്, സലിം മിലാസ് എന്നിവരും പഞ്ചായത്ത് യൂത്ത് ലീഗ് ജനറല് സെക്രട്ടറി നിയാസ് കക്കാട്, ടി.കെ. നഹാസ്, ഷബീര് ചാലില്, നിഷാദ് ആര്.എം, യാസര് എം.സി, നിസാര് വയലാളി തുടങ്ങിയവര് സംസാരിച്ചു.
രാഹുല് ഗാന്ധിയെ അറസ്റ്റ് ചെയ്തതില് പ്രതിഷേധിച്ച് കടിയങ്ങാട് പ്രതിഷേധ പ്രകടനം നടത്തി. മണ്ഡലം കോണ്ഗ്രസ് കമ്മിറ്റി പ്രസിഡന്റ് വി.പി ഇബ്രാഹിം, ഗ്രാമപഞ്ചായത്ത് വൈസ് പ്രസിഡണ്ട് എസ് സുനന്ദ്, ബ്ലോക്ക് കോണ്ഗ്രസ് കമ്മിറ്റി വൈസ് പ്രസിഡണ്ട് പ്രകാശന് കന്നാട്ടി, സത്യന് കല്ലൂര്, അരുണ് പെരുമന, പി.കെ കൃഷ്ണദാസ്, കെ.ടി ബാലന്, വിജയന് കല്ലൂര്, കെ.പി താര, പി ശാലിനി, സുമിത്ത് കടിയങ്ങാട്, കെ.കെ അന്സാര്, എന്.എസ് ഭൂപേഷ്, ഷിബു നന്ദനം തുടങ്ങിയവര് നേതൃത്വം നല്കി.
കേന്ദ്രസര്ക്കാര് ജനാധിപത്യ മര്യാദകള് കാറ്റില് പറത്തുകയാണെന്നും പ്രതിപക്ഷ ശബ്ദത്തെ അടിച്ചമര്ത്താനുള്ള ശ്രമം യുവജനങ്ങള് ഒരിക്കലും അനുവദിക്കില്ലെന്നും നേതാക്കള് പറഞ്ഞു. രാജ്യത്തെ മുഴുവന് വിദ്യാര്ത്ഥികളുടെയും പിന്തുണയോടെ നീറ്റ് ക്രമക്കേടുകള്ക്കെതിരായ സമരം തുടരുമെന്നും പ്രതിപക്ഷ നേതാക്കളെ ഉടന് മോചിപ്പിക്കണമെന്നും പ്രതിഷേധക്കാര് ആവശ്യപ്പെട്ടു.
Content Highlight: Protest Against Police Attack on Rahul Gandhi and Priyanka in Delhi near by perambra
.jpg)
